(NI JERRY OLEA)

INURIRAT kami ng isang US-based friend kung kasama pa ba si Gerald Anderson sa upcoming show ng “ASAP Natin ‘To” sa Bay Area.

Aniya, sa unang TVC (patalastas) na napanood niya two weeks ago ay kasama sa line-up ang kontrobersyal na aktor.

Pero sa bagong TVC kung saan idinagdag si Catriona Gray, waley na si Gerald!

Nakaligtaan lang bang ilagay si Gerald? O ipinalit si Catriona sa aktor dahil kailangan ito sa taping ng teleseryeng “A Soldier’s Heart”?

Palalamigin ba muna nila ang isyu kina Gerald, Bea Alonzo, Julia Barretto at Joshua Garcia?

Abangan natin kung patuloy na susuportahan ng advertisers si Gerald matapos ang ginawa nito kay Bea.